我是新手, 剛post完順便過來逛逛; 見到大家既經驗都好值得注意, 但我真的都看不見有相片, 請問在那裡可找到的?

why I can't view the photo?

我係新手,都係綜緩家庭,因急需電腦檯所以上來睇睇....睇到樓主個post,真係戥樓主嬲嘅...唔想浪費,送出去,點知人地又多多要求,我都好明白嗰種激氣法..
我尋日先由一位好心人屋企搬傢俬返屋企,佢都係同樓主一樣,間屋趕交吉所以急讓全屋傢俱,原本我只係想買床褥,上到去,太太話送晒D傢俱俾我,(兩個衣櫃,木梳化,書櫃,廚櫃,兩個窗台櫃,雙人床同電腦椅),講真其實當中有好多用唔著,不過佢地真係趕交吉,如果唔係都唔使尋日咁大雨都趕住要搬嘢..

聽佢地講,之前傢俱係平讓,有好多人打俾佢地話係綜緩人士,OK,咁佢地就話送俾佢地啦,但有D就話唔方便去攞,問物主可唔可以送埋過去,物主都話冇問題,不過運費當然要自己負責啦..有D聽到要自己俾運費,就話連錢都冇,意思係想物主包埋(貪心成咁??),有D就連影都冇....有一個本來話去攞個櫃,上到去見到物主仲有洗衣機,煮食用具,就話個櫃唔啱用,不過冇洗衣機同煮食用具,不如要呢D啦~OK,物主一樣送出去..佢地原本住九龍呢邊,而家已經搬咗去上水,每次有人話第二日想睇傢俬,佢地都會返去九龍等,點知有好多都放飛機,其實物主都係唔想浪費D傢俱,送俾人都可以幫到人吖~而且我都好明白佢地意思,如果冇人,要CALL搬運公司幫手棄置,又要俾一筆錢,但如果送俾人,人地就算用唔用都好,搬走咗,佢地就可以慳返搬運費.可以一家便宜兩家著.

我覺得,人地幫你,你可以嘅話,你咪幫返人囉,其實佢送咁多嘢俾我,我有好多都用唔著架(雙人床,梳化,CUSHION,同兩個櫃都淋濕晒,同唔到,所以掉咗),不過既然都係CALL咗貨車,就全部搬晒上車先,佢地都話唔理我地掉又好,點都好,都係想慳返搬運公司一筆啫,佢地幫我地搬埋上車都好辛苦架~
所以我覺得樓上有人話,有D人去攞免費傢俬,多謝都冇聲,真係好唔應該,攞綜緩唔係等於好慘,唔係等於伸大手掌就會有人幫你,俾你係人情,唔俾你係道理,我覺得如果真係窮到咩都冇,應該連上網都唔可以啦,點解仲會咁得閒上網睇下有冇人送傢俬呢??如果真係咁有需要,都會係經由志願團體去徵求傢俱囉~

做好心做得唔開心,就唔好做啦